គិតត្រឹម ៩ខែដើមឆ្នាំ២០២៤ បរធនបាលកិច្ចចំនួន 241 ករណី បានចុះបញ្ជីនៅនិយ័តករបរធនបាលកិច្ច ជាមួយទំហំបរធនប្រមាណជា 334.95 លានដុល្លារអាម៉េរិក ដែលក្នុងនោះមាន៖ -​ បរធនបាលកិច្ចសេវារក្សាសុវត្ថិភាព ឬសេវារក្សាទុកចំនួន 121 ករណី ជាមួយទំហំបរធនប្រមាណជា 233.55 លានដុល្លារអាម៉េរិក - បរធនបាលកិច្ចអចលនវត្ថុ ចំនួន 114 ករណី ជាមួយទំហំបរធនប្រមាណជា 80.95 លានដុល្លារអាម៉េរិក - បរធនបាលកិច្ចសាធារណៈ ចំនួន 2 ករណី ជាមួយទំហំបរធនប្រមាណជា 12.72 លានដុល្លារអាម៉េរិក - បរធនបាលកិច្ចមូលនិធិភាគហ៊ុនិក ចំនួន 1 ករណី ជាមួយទំហំបរធនប្រមាណជា 7.32 លានដុល្លារអាម៉េរិក - បរធនបាលកិច្ចមូលនិធិសោធនិវត្តន៍ឯកជន ចំនួន 1 ករណី ជាមួយទំហំបរធនប្រមាណជា 28 ម៉ឺនដុល្លារអាម៉េរិក - បរធនបាលកិច្ចបុគ្គល ចំនួន 1 ករណី ជាមួយទំហំបរធនប្រមាណជា 8 ម៉ឺនដុល្លារអាម៉េរិក - បរធនបាលកិច្ចប្រាក់បញ្ញើមានកាលកំណត់ ចំនួន 1 ករណី ជាមួយទំហំបរធនប្រមាណជា 5 ម៉ឺនដុល្លារអាម៉េរិក។ ជាមួយគ្នានេះ និយ័តករបរធនបាលកិច្ច បាន៖ - ផ្តល់អាជ្ញាបណ្ណដល់ធនាគារពាណិជ្ជ ចំនួន 8 ជាប្រតិបត្តិករបរធនបាលផ្តល់សេវារក្សាសុវត្ថិភាព ឬសេវារក្សាទុក - ផ្តល់អាជ្ញាបណ្ណដល់ក្រុមហ៊ុន ចំនួន 4 ជាក្រុមហ៊ុនបរធនបាល - ផ្តល់ការទទួលស្គាល់ក្រុមហ៊ុន ចំនួន 15 ជាក្រុមហ៊ុនផ្តល់សេវាសវនកម្មក្នុងវិស័យបរធនបាលកិច្ច - ផ្តល់ការទទួលស្គាល់ក្រុមហ៊ុនវាយតម្លៃ ចំនួន 3 ជាក្រុមហ៊ុនវាយតម្លៃក្នុងវិស័យបរធនបាលកិច្ច - ផ្តល់ការទទួលស្គាល់សវនករជារូបវន្តបុគ្គល ចំនួន 31 រូប ជាសវនករជារូបវន្តបុគ្គលក្នុងវិស័យបរធនបាលកិច្ច - ផ្តល់អាជ្ញាបណ្ណដល់បរធនបាលរូបវន្តបុគ្គល ចំនួន 12 រូប ឱ្យធ្វើប្រតិបត្តិការបរធនបាលកិច្ច និង - ផ្តល់ការទទួលស្គាល់អ្នកជំនាញវាយតម្លៃ ចំនួន 6 រូប ជាអ្នកជំនាញវាយតម្លៃក្នុងវិស័យបរធនបាលកិច្ច។