នាព្រឹកថ្ងៃចន្ទ ៣ កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែធ្នូ ឆ្នាំ២០២៥ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) អមដោយសហការី បានទទួលជួបពិភាក្សាការងារជាមួយវិទ្យាស្ថានគោលនយោបាយវិទ្យាសាស្ត្រ និងបច្ចេកវិទ្យា (Science and Techonology Policy Institution- STEPI) មកពីសាធារណរដ្ឋកូរ៉េ តំណាងដោយលោក Lee Jungwon អនុប្រធាននៃ STEPI , លោក Dong Un Park, នាយកដ្ឋានស្រាវជ្រាវសកលនៃ STEPI និងកញ្ញា SO Jeaweon ជាលេខាធិការ ក្នុងគោលបំណងសិក្សាអំពីសមិទ្ធិលទ្ធភាពសហប្រតិបត្តិការ ដើម្បីជំរុញការអភិវឌ្ឍធនធានមនុស្ស និងបច្ចេកវិទ្យាក្នុងវិស័យបរធនបាលកិច្ច។