នាព្រឹកថ្ងៃសុក្រ ១០ រោច ខែជេស្ឋ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែមិថុនា ឆ្នាំ២០២៥ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) អមដោយសហការី បានទទួលជួបលោក Nicolas HOLLANDER នាយកប្រតិបត្តិ នៃធនាគារ ប្រេដ ប៊ែង (ខេមបូឌា) ភីអិលស៊ី និងសហការី ដើម្បីពិភាក្សាការអភិវឌ្ឍទីផ្សារបរធនបាលកិច្ច ព្រមទាំងក្របខណ្ឌប្រតិបត្តិការ និងក្របខណ្ឌច្បាប់នៃបរធនបាលកិច្ចសេវារក្សាសុវត្ថិភាព ឬរក្សាទុកក្នុងវិស័យបរធនបាលកិច្ច (Retention or Escrow Services) នៅកម្ពុជា។