ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), ឯកឧត្តម ណី សាកល អគ្គនាយករងនៃ ន.ប.ធ. អមដោយមន្ត្រីជំនាញបានចូលរួមកម្មវិធី “ទិវាធានារ៉ាប់រងកម្ពុជា ២០២៥” ដែលរៀបចំដោយនិយ័តករធានារ៉ាប់រងកម្ពុជា នាថ្ងៃទី២៦-២៧ ខែមេសា គ.ស.២០២៥ នៅខេត្តបាត់ដំបង ក្រោមអធិបតីភាពដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ. និងមានការអញ្ជើញចូលរួមពីលោក មូល ធន អភិបាលរងនៃគណៈអភិបាលខេត្តបាត់ដំបង រដ្ឋបាលខេត្ត មន្ទីរ ដៃគូអភិវឌ្ឍន៍ សភាពាណិជ្ជកម្ម ក្រុមហ៊ុនធានារ៉ាប់រង និងស្ថាប័នពាក់ព័ន្ធនានាផងដែរ។